İsrail ordusu bir həftədə “Hizbullah”ın 650-dən çox obyektini vurduğunu açıqlayıb

İsrail ordusu son bir həftə ərzində Livan ərazisində “Hizbullah”a məxsus 650-dən çox obyektə zərbələr endirdiyini bildirib.

APA ordunun mətbuat xidmətinə istinadən xəbər verir ki, Livanın cənub bölgələrinə endirilən hücumlar zamanı “Hizbullah”ın silahlı dəstələrinin 125-dən çox üzvü öldürülüb.

Qeyd olunub ki, aprelin 17-dən etibarən İsrail və Livanın cənubunda fəaliyyət göstərən “Hizbullah” arasında formal atəşkəs qüvvədə olsa da, tərəflər sərhəd bölgələrində vaxtaşırı qarşılıqlı zərbələr endirməyə davam edirlər.