Filippində növbəti güclü zəlzələ baş verib - YENİLƏNİB

Filippin sahillərində 6,7 bal gücündə zəlzələ qeydə alınıb.

APA xəbər verir ki, bu barədə Avropa-Aralıq dənizi Seysmoloji Mərkəzi məlumat yayıb.

Məlumata görə, təbii fəlakətin episentri təxminən 67,5 min nəfərin yaşadığı Bisliq şəhərindən (Mindanao adası) 78 km şimal-şərqdə olub.

Tələfat və dağıntılar barədə məlumat yoxdur. Sunami təhlükəsi elan olunmayıb.

Qeyd edək ki, bundan əvvəl Filippin sahillərində 5,5 bal gücündə zəlzələnin baş verməsi barədə məlumat verilib.

***

10:39

Filippin sahillərində 5,5 bal gücündə zəlzələ qeydə alınıb.

APA xəbər verir ki, bu barədə Avropa-Aralıq dənizi Seysmoloji Mərkəzi məlumat yayıb.

Onun sözlərinə görə, yeraltı təkanların episentri 10 minə yaxın insanın yaşadığı Hinatuan şəhərindən (Mindanao adası) 49 km şimal-şərqdə olub, 60 km dərinlikdə yerləşir.

Tələfat və dağıntılar barədə məlumat yoxdur. Sunami təhlükəsi elan olunmayıb.