İndoneziyada Merapi dağında 3000 metr hündürlüyündə vulkan püskürüb

Bazar günü İndoneziyanın Qərbi Sumatra əyalətində Merapi dağında vulkan püskürüb.

APA xəbər verir ki, bu barədə Reuters məlumat yayıb.

Milli Fövqəladə Hallar İdarəsi BNPB-nin məlumatına görə, 3000 metr hündürlüyə qədər olan püskürmə zamanı ətrafa vulkan külü yayılıb.

Hündürlüyü 2891 metr olan vulkan yerli vaxtla saat 14:54-də püskürüb və vulkan külünü yüksək intensivliklə yaxınlıqdakı ərazilərə səpələyib.

Səlahiyyətlilər sakinlərə və ziyarətçilərə kraterin 3 kilometr radiusunda hər hansı fəaliyyətlə məşğul olmağı qadağan edib və Merapi dağı üçün ikinci ən yüksək xəbərdarlıq səviyyəsini təyin edib.