Rusiyada yük maşını qvardiyanın konvoyuna çırpılıb, ölən və yaralananlar var

Rusiya Federasiyasının Voronej vilayətində yük maşını Rusiya Milli Qvardiyasının karvanına çırpılıb, nəticədə bir nəfər ölüb.

APA xəbər verir ki, bu barədə “İzvestiya” məlumat yayıb.

Hadisə dekabrın 2-də M-4 Don avtomobil yolunun 596-cı km-də baş verib.

“Milli Qvardiyanın maşınlarından daha 7 nəfər yaralanıb. Lakin xəsarətlər yüngül olduğundan xəstəxanaya yerləşdirmə tələb olunmayıb”, - mənbə bildirib.

Hüquq-mühafizə orqanları baş verənləri araşdırır.