Dövlət Agentliyi təchizatçıları dövlət satınalmalarında fəal iştiraka çağırıb

Biz bütün potensial təchizatçıları satınalma proseslərində daha fəal iştirak etməyə çağırırıq.

“APA- Economics” xəbər verir ki, bu barədə Antiinhisar və İstehlak Bazarına Nəzarət Dövlət Agentliyinin sədr müavini Mirzə Mirzəyev Şamaxıda keçirilən “Dövlət satınalmaları: proses, iştirakçılar və nəzarət mexanizmləri” təlimində çıxışı zamanı deyib.

“Çünki iştirakçı sayının artması sağlam rəqabəti gücləndirir, sahibkarlar üçün dövlət sifarişlərinə çıxış imkanlarını genişləndirir və dövlət satınalmaları sahəsində müsbət dinamikanın davamlı xarakter almasına töhfə verir”, - deyə sədr müavini vurğulayıb.