Roma Papası ölümündən sonra orada dəfn olunmaq istəyir

Roma Papası Fransisk dünyasını dəyişdikdən sonra Romada yerləşən “Santa Maria Maggiore” bazilikasında dəfn olunmasını istəyir.

“Qafqazinfo” xəbər verir ki, Roma Papası bu barədə Meksikanın “N+” telekanalına müsahibəsində danışıb. 

“Yer artıq hazırlanıb, “Santa Maria Maggiore”də dəfn olunmaq istəyirəm. çünki bu yerə çox sadiqəm, həmişə ora gedirdim”, - deyə Papa qeyd edib. 

O, həmçinin özünü hazırda yaxşı hiss etdiyini qeyd edib.

Xatırladaq ki, 86 yaşlı Papa dekabrın əvvəli qripə yoluxduğu üçün BMT-nin iqlimlə bağlı Dubayda keçirilən sammitində iştirak etməyib.