KİV: İsveç gələn yaya qədər NATO-ya üzvlük üçün Türkiyənin ratifikasiyasını gözləyə bilər

İsveç gələn yaya qədər NATO-ya üzvlük üçün Türkiyənin ratifikasiyasını gözləməli ola bilər.

APA xəbər verir ki, bu barədə İsveçin "Sveriges Radio"su ABŞ Müdafiə Nazirliyindəki mənbəyə istinadən bildirib. Mənbənin sözlərinə görə, İsveçin NATO-ya üzvlüyü aylarla gecikə bilər. "Ümid edirəm ki, bu [NATO-nun ratifikasiyası] iyula qədər həyata keçiriləcək, - mənbə bildirib.

Qeyd edək ki, Ağ Ev məlumat yayıb ki, dekabrın 14-də Türkiyə Prezidenti Rəcəb Tayyib Ərdoğan və ABŞ Prezidenti Co Bayden NATO çərçivəsində əməkdaşlığı, eyni zamanda İsveçin NATO-ya üzvlük məsələsini müzakirə ediblər.

Xatırladaq ki, İsveçin NATO-ya üzvlüyü hələ də Türkiyə və Macarıstan parlamentləri tərəfindən ratifikasiya olunmayıb.