Lankaran Springs Wellness Resort - Şəfa və komfort bir arada

Lankaran Springs Wellness Resort təbiətin bəxş etdiyi şəfa mənbələrini müasir tibbi yanaşma ilə birləşdirən unikal sağlamlıq və istirahət mərkəzidir. Lənkəranın mülayim iqlimi, zəngin yaşıllığı və mineral suları bu məkana xüsusi dəyər qatır.

Lankaran Springs Wellness Resort-un fəaliyyətində əsas yerlərdən birini tutan sağlamlıq mərkəzi çoxsaylı sağlamlıq problemlərinin profilaktikası müalicəsi məqsədilə yaradılıb və burada hər bir qonağa fərdi yanaşma tətbiq olunur. Tibbi xidmətlər ixtisaslaşmış həkimlər tərəfindən həyata keçirilir, ilkin müayinə və konsultasiyalardan sonra qonağın sağlamlıq vəziyyətinə uyğun proqram tərtib edilir. Müasir tibbi avadanlıqlar, fizioterapiya və reabilitasiya imkanları sağlamlığın mərhələli şəkildə bərpasına şərait yaradır.

Hotelin əsas üstünlüklərindən biri isə İstisu termal sularıdır. Lənkəran bölgəsinin təbii sərvəti olan bu mineral sular balneoloji xüsusiyyətləri ilə seçilir və uzun illərdir sağlamlıq məqsədilə istifadə olunur. Qonaqların fərqli sağlamlıq ehtiyaclarını nəzərə alaraq Lankaran Springs Wellness Resort-da üç əsas tibbi paket təklif olunur.

Standart tibbi paket sağlamlığını qorumaq, gündəlik stresdən uzaqlaşmaq və bədənini dincəltmək istəyən qonaqlar üçün nəzərdə tutulub. Bu paket çərçivəsində ilkin tibbi müayinə aparılır, İstisu termal vannaları və yüngül fizioterapiya prosedurları tətbiq olunur. Standart paket ümumi bərpa və rahatlama üçün ideal seçim hesab olunur.

Xüsusilə oynaq, sümük-əzələ sistemi problemləri və xroniki ağrılardan əziyyət çəkən qonaqlar üçün Artroz tibbi paketi təklif edilir. Bu paketdə daha ətraflı tibbi baxış aparılır, müalicə proqramı fərdi şəkildə tərtib olunur. İstisu termal sularının balneoloji təsiri, fizioterapiya və reabilitasiya prosedurları oynaq hərəkətliliyinin yaxşılaşmasına, ağrıların azalmasına və həyat keyfiyyətinin yüksəlməsinə yönəlir.

Daha geniş tibbi yanaşma və maksimum komfort axtaranlar üçün isə nəzərdə tutulan Premium tibbi pakedir. Bu paket kompleks tibbi müayinələri, fərdi müalicə proqramlarını, balneoterapiya, fizioterapiya və wellness prosedurlarını özündə birləşdirir. Premium paket həm fiziki sağlamlığın bərpasına, həm də psixoloji rahatlığın təmin edilməsinə xidmət edir.

Lankaran Springs Wellness Resort Hotelində təqdim olunan tibbi paketlər İstisu termal sularının təbii müalicəvi gücü və peşəkar tibbi yanaşma ilə vəhdət təşkil edərək qonaqlara sağlam həyat tərzinə doğru etibarlı addım atmaq imkanı yaradır. Bu məkan istirahəti sağlamlıqla birləşdirmək istəyən hər kəs üçün ideal seçimdir.

Tibbi paketlərlə tanış olmaq və rezervasiya üçün www.lankaransprings.az saytına müraciət edə bilərsiniz.