Rusiyada internatda 9 nəfər A qripindən ölüb

2026-cı ilin yanvarında Kemerovo vilayətində yerləşən psixonevroloji internatda 9 nəfər ölüb.

APA xəbər verir ki, bu barədə RİA “Novosti” məlumat yayıb.

İlkin ehtimallara görə, ölümə səbəb A qripi olub.

Regional Əmək və Əhalinin Sosial Müdafiəsi Nazirliyinin məlumatına görə isə ölənlərdən 7-si qan dövranı sistemi xəstəlikləri səbəbindən ölüb. Daha iki nəfərin ölüm səbəbi isə araşdırılır.

Daha əvvəl yerli media bu müəssisədən 46 nəfərin həmin diaqnozla xəstəxanaya yerləşdirildiyini yazıb.