Qazaxıstanda yeni Konstitusiya ilə bağlı referendumun keçiriləcəyi tarixi təyin edilib

Qazaxıstan Prezidenti Kasım-Jomart Tokayev yeni Konstitusiya ilə bağlı referendumun keçiriləcəyi tarixi təyin edib.

APA Qazaxıstan mətbuatına istinadən xəbər verir ki, referendum 15 martda keçiriləcək.

Təklifə əsasən, Konstitusiyanın mətninin 84%-i (77 maddə) dəyişdiriləcək. Referendumda isə seçicilərə yalnız bir sual təqdim olunacaq:

“Kütləvi informasiya vasitələrində 12 fevral 2026-cı ildə dərc olunmuş Qazaxıstan Respublikası Konstitusiyasının yeni layihəsini təsdiqləyirsinizmi?”