Türk Dünyası Vətəndaş Cəmiyyəti Dəstək Sistemi yaradılıb - FOTO

Türkiyənin Ədalət və İnkişaf pariyasının Türk Dövlətləri ilə Əlaqələr İdarəsinin koordinasiyası, AY-DER və KÖKDER-in əməkdaşlığı ilə hazırlanmış Türk Dünyası Vətəndaş Cəmiyyəti Dəstək Sistemi (TÜDSES) layihəsinin təqdimat mərasimi keçirilib.

APA-nın Türkiyə bürosunun xəbər verir ki, Türkiyədə fəaliyyət göstərən, 8 türk dövlətini təmsil edən 826 vətəndaş cəmiyyəti təşkilatı və təxminən 88 min üzv vahid platforma altında birləşdirilib.

Qeyd edilib ki, layihə bir il ərzində hazırlanıb.

Təqdimat mərasimində çıxış edən Ədalət və İnkişaf Partiyasının (AK Parti) sədr müavini Kürşad Zorlu bildirib ki, TÜDSES sadəcə qeydiyyat platforması deyil, süni intellekt dəstəyi ilə fəaliyyət göstərən bir sistemdir.