Şavkat Mirziyoyev Türkiyədə səfərdədir

Özbəkistan Prezidenti Şavkat Mirziyoyev Türkiyəyə səfər edib.

APA Türkiyə mətbuatına istinadən xəbər verir ki, Özbəkistan Prezidentini paytaxt Ankarada türkiyəli həmkarı Rəcəb Tayyib Ərdoğan rəsmi mərasimlə qarşılayıb.

Mirziyoyevin səfəri çərçivəsində Türkiyə-Özbəkistan Yüksək Səviyyəli Strateji Əməkdaşlıq Şurasının IV iclasının keçirilməsi gözlənilir. İclasda ticari-iqtisadi əlaqələr, hərbi və təhlükəsizlik sahələrində əməkdaşlıq, nəqliyyat və enerji tərəfdaşlığı, təhsil və mədəniyyət məsələlərində fikir mübadiləsi aparılması nəzərdə tutulub.