Rusiya XİN ABŞ-ın İrana nüvə proqramı ilə bağlı təklifini ultimatum adlandırıb

ABŞ İrana nüvə proqramı ilə bağlı razılaşmanın mümkün olduğuna dair siqnallar göndərir, lakin Vaşinqtonun təklifləri ultimatuma bərabərdir.

APA-nın Moskva bürosu xəbər verir ki, bunu Rusiya xarici işlər nazirinin müavini Sergey Ryabkov bildirib.

O, Vaşinqtonun bugünkü leksikonunda "kompromis" sözünün olub-olmadığından əmin olmadığını qeyd edib.

Ryabkov vurğulayıb ki, ABŞ-ın İrana təklifləri ultimatuma bərabərdir və Vaşinqton xarici siyasətdə kompromis axtarmağı dayandırıb.