KİV: ABŞ-İran danışıqları ərəb liderlərinin lobbiçilik fəaliyyəti nəticəsində bərpa olunub

Ərəb liderlərinin Ağ Evdə lobbiçilik fəaliyyəti nəticəsində İranla nüvə danışıqları yenidən bərpa olunub.

APA xəbər verir ki, bu barədə iki ABŞ rəsmisinə istinadən “Axios” portalı məlumat yayıb.

Məlumata görə, bir neçə Yaxın Şərq liderinin çərşənbə günü günortadan sonra Tramp administrasiyası ilə danışıqları nəticəsində İranla nüvə danışıqları yenidən başlayıb.

Qeyd edək ki, İran ABŞ-ın əvvəlcə İstanbulda keçirilməsini nəzərdə tutduğu görüş planına edilən dəyişiklikləri rədd etməsinə baxmayaraq, danışıqlar Omanda keçiriləcək.

Məslə ilə bağlı yaranmış fikir ayrığı Yaxın Şərqdə prezident Donald Trampın hərbi əməliyyatlara keçəcəyi ilə bağlı qorxulara səbəb olub. Regiondan ən azı doqquz ölkə Ağ Evə ən yüksək səviyyələrdə müraciət edərək ABŞ-ı görüşü ləğv etməməyə çağırıb.